Қызылорда облысында ірі көлемде есірткі сақтау дерегі анықталды, деп хабарлайды kaztoday.kz.
Заңсыздық «Нашақорлыққа жол жоқ!» жобасы аясында анықталған.
Арал аудандық прокуратурасының ұйымдастыруымен Қызылорда облысының ПД-нің ұйымдасқан қылмысқа қарсы күрес басқармасының қызметкерлерінің қатысуымен есірткі тасымалының жолы кесілді.
Самара-Шымкент тас жолы бойында Шижа елді мекенінің тұсында есірткі сақтады деген күдікпен автокөлік тоқтатылып, жүргізушіні тексеру барысында 9 полиэтилен пакетке оралған салмағы 557 гр. болатын кептірілген марихуана анықталып, айғақзат ретінде алынды, делінген хабарламада.
Ірі мөлшердегі есiрткi, психотроптық заттарды, сол тектестерді өткізу мақсатында заңсыз тасымалдау дерегі бойынша Қылмыстық кодекстің 297-бабының 2-бөлігімен қылмыстық іс тіркеліп, күдіктіге қатысты «күзетпен ұстау» бұлтартпау шарасы қолданылды.
