Атырауда бетін тұмшалап, туды қорлағандар жазаланды, деп хабарлайды kaztoday.kz.
Бетін жасырған бойжеткендер мемлекеттік рәмізге арабша жазу жазып, қылыштың суретін бейнелеп, өздері онымен суретке түскені туралы жазған едік. Көпшіліктің ашуын туғызған осы жағдайдан соң тәртіп сақшылары олардың заң бойынша жауапқа тартылғанын мәлімдеді.
Атырау облыстық сотының хабарлауынша, суреттегі 3 адамға қатысты іс «ұсақ бұзақылық» бабы бойынша қаралды.
Олардың бірі кәмелетке толмаған адамды әкiмшiлiк құқық бұзушылыққа тартуына байланысты 15 тәулікке қамалған. Ал екіншісіне 79 мың теңге айыппұл салынды. Үшіншісі – кәмелет жасына толмауына байланысты заңды өкіліне 39 мың теңге айыппұл салынды.
