Мәжіліс депутаты Бақытжан Базарбек әкімдерге 2 ай сынақ мерзімін беруді ұсынды, деп хабарлайды Kaztoday.kz.
Шенеуніктің айтуынша, әкімдер аталған уақыт ішінде нәтиже көрсетпесе жұмыстан шығару қажет.
Сынақ мерзімі бірнеше макроэкономикалық көрсеткішті қамтуы тиіс. Мәселен, өңірдің табыс деңгейі, салықтың жиналу дәрежесі, құрылған жұмыс орындары және т.б.
«Нәтиже жоқ па, әкім тиімсіздігіне байланысты қызметінен кетуі керек. Меніңше, біздің халық осындай түбегейлі қадамдарды күтеді», — деді депутат.
Сондай-ақ өңірге бөлінген қаржының ашықтығын қамтамасыз ететін картаны енгізуді ұсынды.
