Жамбыл облысында желіде танымал болғысы келген блогер өз «контенті» үшін заң бұзды, деп хабарлайды Kaztoday.kz.
Түсірілім кезінде ол көшеде тұрған жеңіл көліктің алдыңғы әйнегін әдейі сындырып, жолаушы әйелмен дауласа бастаған. Бұл әрекеті өтіп бара жатқан адамдарды шошытқан.
Оқиға орнында түсірілген видео әлеуметтік желіде тарап үлгермей жатып полиция блогерді ұстады. Тәртіп сақшылары оның әрекетін ұсақ бұзақылық деп бағалап, сот шешімімен 10 тәулікке әкімшілік қамауға алды.
