Пара туралы уәде бергендер де жазаланады, деп хабарлайды kaztoday.kz.
Бұдан былай Қазақстанда пара туралы сөз қозғап, уәде бергендер де жазаланады. Заң жобасына мұндай түзетуді қазір Мәжіліс қарастырып жатыр.
Депутат Н.Арсютин пара берушінің шынайы ниетін қалай анықтау керегін сұрады.
«Заң жобасында пара алу үшін келісім беру, пара сұрау немесе талап ету, сондай-ақ пара уәде ету немесе ұсыну үшін қылмыстық жауапкершілік енгізу қарастырылған. Бұл кез келген пара туралы айтылған сөздер қылмыстық салдарға әкеп соғатынын білдіреді. Мен бұл тәсілді қолдаймын, бірақ мені қызықтыратыны – бұл қылмыстардың жаңа құрамын анықтау кезінде адамның нақты ниетін іс жүзінде қалай дәлелдеу болады. Себебі сот-тергеу практикасында парақорлыққа қатысты істер көбінесе дәлелдеуге қиын қылмыстар санатына жатады. Бұл біздің азаматтарымызды негізсіз қылмыстық жауапкершілікке тартуға әкелмей ме?» деп сұрады депутат Николай Арсютин.
Бұл сауалға ҚР сыбайлас жемқорлыққа қарсы агенттігі төрағасының бірінші орынбасары Ұлан Сарқұлов жауап берді. Оның сөзінше, барлық операциялық-іздестіру қызметінің заңға сәйкес жүргізіледі.
«Жауапкершілікке тарту мәселесінде мен бірден айта кеткім келеді, бұл ең алдымен профилактикалық әсер береді. Мұнда жаппай жауапқа тарту ешқашан болмайды. Біз халықаралық тәжірибені қарадық, онда мұндай жағдайлар өте сирек кездеседі. Көбіне профилактикалық шаралар қолданылады, сондай-ақ прокуратура мен сот органдарының бақылауы бар. Яғни, бұл профилактикалық сипаттағы мәселе», деп жауап берді Сарқұлов.
