Ақтөбеде спорт мектебінің басшылары 12 миллион теңгені құмар ойынға салып жіберген, деп хабарлайды Kaztoday.kz.
Ақтөбе облысының прокуратурасының мәліметінше, спорт мектебінің басшылары ақшаны өз қажетіне жаратқан.
“Ол 12 миллион теңгеден астам бюджет қаражаттарын букмекерлік кеңселердегі ұтыс ойындарына салған. Аталған фактілер бойынша прокуратурамен 2 қылмыстық іс тіркелді. Олар облыстық Экономикалық тергеу департаментімен тергеп-тексерілді. Биыл 10 қаңтарда тергеу аяқталып, қылмыстық іс (істер біріктірілді) мәні бойынша қарау үшін сотқа жолданды”, – делінген хабарламада.
