Спорт мектебінің екі директоры 12 млн теңге ұрлап сотталды, деп хабарлайды kaztoday.kz.
Ақтөбеде спорт мектебінің екі басшысына қатысты сот үкімі шығарылды.
Футболдан облыстық балалар мен жасөспірімдер олимпиадалық резерв спорт мектебінің директоры Әуелбаев пен хоккейден №5 “Олимп” балалар-жасөспірімдер спорт мектебінің басшысы Ділманов сотқа дейін қызметінен босатылған. Себебі футбол алаңы мен мұз айдынын әуесқой командаларға жалға беріп, одан түскен ақшаны өз қалталарына басып келген. Осылайша қос директордың заңсыз табысы 12 миллион теңгеден асқан.
Сот оларды Қылмыстық кодекстің 195-бабы бойынша (Алдау немесе сенiмді теріс пайдалану жолымен мүлiктiк залал келтiру) кінәлі деп таныды. Нәтижесінде Әуелбаевты екі жылға, Ділмановты екі жарым жылға бостандығын шектеу жазасына кесті.
Алайда кінәлілер мемлекетке келтірілген залалды толық өтегендіктен, түрмеге қамалмады.
