Қарағанды облысында жүк пойызы 2 жасар баланы қағып кетті, деп хабарлайды kaztoday.kz.
1 маусым күні Қарағанды облысындағы Қарағанды–Ақадыр теміржол учаскесінде ауыр оқиға орын алды. Екі жасар бала абайсызда теміржолға шығып кеткен.
«Қазақстан темір жолы» компаниясының мәліметінше, баланы байқап қалған жүк пойызының машинисі дереу шұғыл тежеу қолданған. Алайда пойыздың салмағы мен жүру жылдамдығына байланысты апаттың алдын алу мүмкін болмаған.
Бала түрлі дене жарақатымен ауруханаға жеткізілді. Қазіргі уақытта дәрігерлер оның жағдайын бақылауда ұстап отыр.
Оқиғаның мән-жайы анықталып жатыр. Құзырлы органдар тиісті тексеру жұмыстарын жүргізуде.
