Еліміздегі 740 мектепке директор жоқ, деп хабарлайды kaztoday.kz.
Бұл жөнінде оқу-ағарту министрі Ғани Бейсембаев ведомствоның алқа мәжілісінде мәлімдеді. Оның сөзінше, бүгінде республикада 7 мыңнан аса мемлекеттік мектеп жұмыс істейді.
Талдау директорлардың біліктілік деңгейін көтеру керектігін көрсетіп отыр. Олардың тек 9 пайызында ғана «жетекші-көшбасшы» санаты бар. Осы жағдайды шешу үшін 2023 жылдан бері «Білім берудегі өзгерістің 1000 көшбасшысы» жобасы іске асырылып келе жатыр. Бүгінгі күні 583 кандидат Республикалық кадрлық резервке енгізілді. Жоба іске қосылғанына қарамастан, 740 мектепке директор жетіспейді, оның 81%-ы ауыл мектебі, – деді Ғ.Бейсембаев.
