Жамбыл облысында жасөспірімге буллинг жасалғанын хабарламаған дәрігер сотқа тартылды, деп хабарлайды kaztoday.kz.
Тараз қаласы прокуратурасы «Аяла облыстық балаларды оңалту орталығы» КМҚК-де үш жасөспірімнің екі кәмелетке толмаған балаға буллинг (агрессия немесе күш көрсету арқылы адамның өзгені қорлауы, үстем екенін көрсетуі) жасағанын анықтады.
Аталмыш заңбұзушылық дерегі «Komekstopbullying» телеграм-ботының көмегімен белгілі болған.
Зардап шеккен балалардың анасының сөзінше, оңалту орталығының әкімшілігіне бұған дейін де шара қолдану туралы өтініш білдірген. Алайда жауапсыз қалған.
Осылайша прокуратура Медициналық және фармацевтикалық бақылау комитетінің департаменті оңалту орталығының бас дәрігеріне ӘҚБтК-нің 127-1-бабы бойынша (кәмелетке толмағандар немесе кәмелетке толмағандарға қатысты заңсыз әрекеттер туралы хабарламау) әкімшілік айыппұл салған.
