Бұрынғы ҰҚК басшысы Кәрім Мәсімовтің Астанадағы үйі 1,8 млрд теңгеге сатылуда, деп хабарлайды Kaztoday.kz.
Астананың Нұра ауданында орналасқан екі қабатты, цокольді қабаты бар зәулім үй «Қайтарылған активтерді басқару компаниясы» тарапынан аукционға шығарылды.
Бұл ұйым 2023 жылғы 21 қыркүйекте Қазақстан Үкіметінің шешімімен құрылып, жемқорлардан тәркіленген мүліктерді сатумен айналысады. Түскен қаражат мемлекеттік бюджетке бағытталады.
Сатылымдағы үйдің бастапқы бағасы – 1,8 млрд теңге ($3,5 млн)
Аукционға қатысу үшін кепілдік жарна – 117,9 млн теңге
Сауда 2025 жылғы 25 ақпанда өтеді
Еске сала кетейік, Кәрім Мәсімов – Қазақстанның бұрынғы Премьер-Министрі және Ұлттық қауіпсіздік комитетінің (ҰҚК) экс-басшысы. Ол 2022 жылғы Қаңтар оқиғаларынан кейін «мемлекетке опасыздық жасау» және «мемлекеттік төңкеріс жасауға талпыну» баптары бойынша 18 жылға бас бостандығынан айырылған.
