Кенесары ханның өліміне пікір білдірген қырғыз әншісіне қылмыстық іс қозғалды, деп хабарлайды Kaztoday.kz.
Kaktus Media-ның ақпаратына сәйкес, Қырғыз Республикасының Ұлттық қауіпсіздік мемлекеттік комитеті Қайрат Примбердиевке қарсы қылмыстық іс қозғады.
Қырғызстанның еңбек сіңірген әртісіне ұлтаралық араздықты қоздырды деген айып тағылған.
Себеп – әншінің Қазақстанның бір бұқаралық ақпарат құралына берген сұхбатында қазақ халқынан Кенесары ханның қазасы үшін кешірім сұрап, Ормон ханның «оны өлтіруге мәжбүр болғанын» айтқан.
Бұған дейін оның бұл мәлімдемесін қоғам ғана емес, Қырғызстан мәдениет министрінің орынбасары да сынға алған болатын.
Қазіргі таңда Примбердиевке елден шығуға тыйым салынған.
