Қазақстанда қоғамның наразылығын тудырған ресейлік стример Ксения Гузаева сот шешімімен ел аумағынан шығарылды. Бұл туралы Астана қаласының полиция департаменті ресми хабарлады.
Полицияның мәліметінше, шетел азаматшасы әкімшілік құқық бұзушылық жасағаны үшін жауапкершілікке тартылып, оған айыппұл салынды. Одан кейін қолданыстағы заңнама талаптарына сәйкес депортациялау рәсімі жүзеге асырылды.
Сондай-ақ Ксения Гузаеваға бес жыл бойы Қазақстан аумағына кіруге тыйым салынды.
