Мектеп оқушысы неше сағат ұйықтауы керек?

Денсаулық сақтау министрлігі жазғы демалыстан кейін балалардың ұйқы режимін біртіндеп қалыпқа келтіруге кеңес береді. Мамандардың айтуынша, жеткілікті әрі тұрақты ұйқы баланың зейінін, есте сақтау қабілетін, көңіл күйін және оқу материалын меңгеруін жақсартады.
Жас ерекшелігіне сай ұсынылатын ұйқы ұзақтығы:
1 жасқа дейін — 12–16 сағат;
1–2 жас — 11–14 сағат;
3–5 жас — 10–13 сағат;
6–12 жас — 9–12 сағат;
13–18 жас — 8–10 сағат.
Мамандар балалардың күн сайын бір мезгілде ұйықтап, бір уақытта оянуын маңызды деп санайды. Ал 1-сынып оқушыларына түнгі ұйқыдан бөлек, күндіз 2 сағатқа дейін тынығу пайдалы екені айтылады.